'Man City na neman Sanchez'

Sanchez ya koma Arsenal ne a shekarar 2014 daga Barcelona

Kocin Manchester City Pep Guardiola ya ce ba zai kawar da yiwuwar sayen dan wasan Arsenal Alexis Sanchez idan aka bude kasuwar saye da sayar da 'yan wasa a watan gobe, in ji Sky Sports.

Manchester United ta neman dan wasan West Brom Jonny Evans kodayake City da Arsenal su ma suna zawarcin dan kwallon, a cewar jaridar Sunday Mirror.

Har ila yau Man City da Man U da PSG da kuma Chelsea suna neman dan wasan Juventus Alex Sandro, in ji jaridar Sunday Express.

Kocin Liverpool Jurgen Klopp ya ce zai bari Daniel Sturridge ya tafi aro a watan Janairu, dan wasan yana neman sa'ar shiga tawagar Ingila a Gasar Cin Kofin Duniya, kamar yadda jaridar Sun on Sanday ta bayyana.

Haka zalika kocin ya ce ba za su sayi dan wasan RB Leipzig Naby Keita ba a watan gobe, a cewar jaridar Daily Star Sunday.

Hakkin mallakar hotoGETTY IMAGES

Image captionMalcom, dan shekara 20 dan asalin Brazil ne

Manchester United tana shirye-shiryen fara zawarcin dan kwallon kungiyar Bordeaux ta Faransa, Malcom, a kan fam miliyan 30, in ji Sunday Times.

Dan wasan Real Madrid Cristiano Ronaldo da kocin kungiyar Zinedine Zidane suna tattauna batun yadda dan kwallon zai yi ritaya a Madrid, in ji kafar yada labarai ta FourFourTwo.

Haka zalika jaridar Sun on Sunday ta ruwaito cewa akwai yiwuwar kocin Chelsea Antonio Conte ne zai maye gurbin Zinedine Zidane a Madrid, wanda yarjejiniyarsa za ta kare a karshen kakar bana.