Abubakar Abdussalam
Yace
*"Bantaba gani ganin mutum mai gskyba kamar shugaba muhammadu Buhariba"
"Dama nasan za,aruna tunda shugabannin yanzu sunbaci da zulunci dole mai girma Muhammadu buhari yasha wahala,
Amman indai yen Nigeria sukai hakuri za,adace

INADA YAKININ ZAN ZAMA PRESIDENT A FADAR (BAKOLA SARAKI)

1. 

Baba Buhari: Am back from china to figth corruption

HOME/POST FILE UNDER LABARAI
AUTHOR:AREWAINFINIT
DATE:SUN SEP 2 2018
 

NIGERIA PRESIDENCY

HOME/post file Under labarai/
Author /Arewainfinit/
Post Tittle:wasu mutane basa so a daina zubda jini a Nigeria.

An Kai Sabbin Hare hare Kan Fulani A Filato
__¥___
*
Rundunar ‘yan sandan jihar Filato ta tabbatar cewa wasu matasa ‘yan kabilar Birom sun kai wasu hare hare a kan wasu makiyaya Fulani da ke zaune kusa da kwalejin ‘yan sanda da ke garin Buruku a karamar hukumar Jos ta Yamma.

ZABEN GWAMNAN EKITI: A yayin da ake shirye shiryen zaben kujerar Gwamnan Ekiti a ranar Asabar mai zuwa, Shugaban ‘Yan sanda na Kasa, Ibrahim Idiris ya tura ‘yan sanda 30,000, karnuka na musamman, jiragen masu saukar Angulu guda biyu, kananan motocin yaki 10, motocin sintiri 250, sai mataimakinsa, da kwamishinonin ‘yan sanda hudu don tabbatar da tsaro.

A yayin da Hukumar Kiyaye Hadurra ta Kasa ( FRSC) ta tura jami’anta har 500, motocin sintiri 24, motocin daukar marasa lafiya guda uku.

RANAR WANKA...

Hakikanin Abin Da Ya Jawo Rikici Na Da Kwankwaso, Cewar Gwamna Ganduje

 “Kun taba jin muna fada a lokacin da yake (Kwankwaso) Gwamna? San-sam. Ina yi masa biyayya a matsayinsa na Gwamna kuma Ubangidana. Lokacin da Buhari ya fada mani cewa zai yi takarar Shugabancin Kasa, na fada masa cewa ni Kwankwaso zan zaba. Shugaban Kasa (Buhari) ya ji dadin yadda na bayyana masa gaskiyata ba kwane-kwane. Dukkanmu da muka je Legas sai muka zabi Kwankwaso kuma duk da cewa mun fadi zaben amma dai ba mu munafunce shi (Kwankwaso) ba. Ya kasance shugabanmu a Kano, duk da cewa talakawan Kano Buhari suka zaba, mu Kwankwaso muka zaba…
*
“Sai dai abin takaici, Kwankwaso ba ya kallona ko amincewa da ni a matsayin Gwamna, ya yi zaton ladabin da nake masa a matsayina na Mataimakinsa kamar ni wawa ne.
*
“Ka tambayi duk wanda ya san ni, ba na kaskantar da duk wani tsohon Gwamna. Dangantakata da Shekarau mai girma ce kuma mai kyau, shi ma yana daraja ni a matsayina na Gwamna. Shin mene ne yake haddasa rashin jituwa tsakanina da Kwankwaso? Matsalar ba daga gare ni ba ce ko daya, shi ne dai yake son amfani da al’ummar Kano da dukiyar Kano domin ya kalubalanci Shugaban Kasarmu da muke jam’iyya daya. Haba! Ba zan taba amincewa da haka ba, domin Buhari ya taimaka mana a lokacin da ma ba jam’iyya daya muke da shi ba. Buhari ba mamugunci ba ne, ba zai iya makirci don kaskantar da kowa, ko raba shi da mukaminsa ba. Shi ne Shugaba a yau. Da Kwankwaso ne ya ci zaben, ba zan bari Buhari ya wulakanta shi ba.
*
“Duk wanda ke son barin (APC), ya bari kawai. Mu yi siyasa mai tsafta, mai natsuwa…”

Fassara: Bashir Yahuza Malumfashi

DA DUMIDUMINSA

Membobin Sabuwar Jam'iyyar APC Da Na PDP Sun Yi Zaman Kulla Yarjejeniya Domin Kada Buhari A Zaben 2019

Majalisar Borno Ta Tsayar Da Shettima Takarar Sanata
__¥___
*
'Yan majalisar dokokin jihar Borno sun nemi Gwamnan jihar, Kashim Shettima kan ya fito takarar kujerar dan majalisar Dattawa na Borno ta Tsakiya.

Kakakin Majalisar, Abdulkarim Lawan ya ce, ya zama dole Gwamnan ya fito takara don al'ummar mazabarsa sun amfana da irin kwarewarsa da iliminsa. Tun da farko dai, Gwamnan Shetiima ya fito fili ya nuna cewa idan har wa'adinsa ya cika, zai koma aikin koyarwa ne.

JIYA BA YAU BA

AREWA UWAR DADI: Wani ayarin mutane a kan kekuna suna tafiya a Zaria a shekarar 1960.

A lokacin babu ciwon hawan jini.
Allah ya kara mana lafiya.

Madogara: Uwa Idris

Yanzu An Gama Da Boko Baram, Saura Gyara Yankunan Da Suka Barnata, Inji Buhari

Shugaban kasa Muhammadu Buhari ya ce yanzu yankin arewa maso gabas yana matakin daidaita lamurra bayan rikicin Boko Haram.

Da ya ke jawabi ga sojojin Nijeriya a garin Munguno a ziyarar da ya kai jihar Borno a ranar Juma'ar da ta gabata, Buhari ya ce "ta tabbata cewa yanzu muna cikin mataki ne na kokarin daidaita lamurra bayan rikici Boko Haram, kuma hakan ya samu ne saboda kyakkyawan aikin sojojinmu".

Shugaba Buhari ya kuma kara da cewa mayakan Boko Haram da kansu suke mika wuya, kamar yadda kamfanin dillacin labaran AFP ya ruwaito.

Bayanin shugaban a Munguno kamar yana nufin an kawo karshen tashin hankalin da jihohin arewa maso gabashin Nijeriya suka yi fama da shi a kusan shekara tara.

Rundunar sojin Nijeriya da gwamnatin Buhari sun dade suna ikirarin kawo karshen rikicin Boko Haram wanda ya yi sanadin salwantar dubban rayuka a arewacin Najeriya tare da raba miliyoyi da gidajensu.

Tun a yakin neman zabensa, Buhari ya alwashin zai kawo karshen rikicin Boko Haram da ya shafi kasashen da suka kewaye tafkin Chadi, Nijar da Kamaru da Chadi.

Sai dai kuma har yanzu Boko Haram na ci gaba da yin barazana a yankunan inda ko a watan da ya gabata an kashe mutane 43 a hare haren kunar bakin wake da aka kai a garin Damboa a jihar Borno.

Kashe-kashen da ake samu a rikicin makiyaya da manoma da kuma harin 'yan fashi a wasu jihohin Nijeriya wani babban kalubale ne na tsaro ga Buhari wanda ya ayyana neman wa'adin shugabanci na biyu.

PDP Ta Kalubalanci Buhari Kan Ya Kori Ministar Kudi Kan Shaidar Yiwa Kasa Hidima Ta Bogi
__¥___
*
Jam'iyyar PDP ta kalubalanci Shugaba Muhammad Buhari kan ya gaggauta korar Ministar Kudi, Kemi Adeosun tare kuma d hukunta ta bisa amfani da shaidar kammala bautar kasa (NYSC) ta bogi.

Sakataren Jam'iyyar na Kasa, Kola Ologbondiyan ya ce a halin yanzu ta tabbata cewa gwamnatin Buhari na cike da barayi, 'yan damfara da mutane marasa gaskiya inda ya jaddada cewa kada Buhari ya kuskura ya kyale Ministar wanda yin hakan zai nuna cewa ba da gaske yake yi ba game da shirin yaki da rashawa da ya kaddamar.

Ban Yi Nadamar Kasancewar Adilin Mutum Ba — Buhari
__¥___
*
Shugaba Muhammad Buhari ya yi ikirarin cewa bai taba yin nadamar kasancewar adilin mutum ba inda ya jaddada cewa yana farin cikin yadda ya hana ‘yan uwansa da makusantarsa daga amfana da wata kwangilar gwamnati.

Majalisun Nijeriya Sun Gindaya Wa Shugaba Buhari Wasu Dokoki Guda 12

...idan bai bi ba za mu dauki mataki, cewar majalisun

Majalisun dokokin Nijeriya sun amince da wasu kudurori 12 da suka ce wajibi ne gwamnatin Muhamadu Buhari ta aiwatar da su ko kuma su dauki mataki.

Shugaban Majalisar Dattawa Sanata Bukola Saraki ne ya karanta matsayar da suka cima bayan wani zama na musamman da suka yi domin duba halin da kasar take ciki, wanda wasunsu suka ce yana ci gaba da tabarbarewa.

Ya ce majalisun biyu sun amince cewa wajibi ne Shugaba Buhari ya dauki alhakin abubuwan da mutanen da ya nada suke yi, sannan ya dauki mataki kan duk wanda ya saba wa doka da yin barazana ga demokuradiyya.

Suka kara da cewa wajibi ne jami'an tsaro su tunkari kashe-kashen da ake yi a kasar, sannan a daina takura wadanda ake wa kallon 'yan adawa ne ko kuma masu bambancin ra'ayi da bangaren zartarwa.

"Majalisa ba za ta yi wata-wata ba wurin daukar mataki kamar yadda tsarin mulki ya ba ta dama, idan aka ki yin wani abu domin aiwatar da wadannan kudurori da aka a mince da su yau (Talata)".

Wannan zama na zuwa ne a lokacin da rashin jituwa ke kara fitowa fili tsakanin gwamnatin Muhammadu Buhari da kuma shugabannin majalisar.

Kudurori 12

*Kawo karshen kashe-kashe a NajeriyaA daina tsangwama da kuma muzguna wa wadansu 'yan majalisa

*Gwamnati ta rika bin doka da oda

*Shugaban kasa ya dauki mataki kan wadansu wadanda ya nada mukamai

*Ya yi yaki da cin hanci da rashawa tsakaninsa da Allah

*Ya daina sanya baki kan al'amurran da suka shafi majalisar

*Majalisar dokokin kasar za ta fara tuntubar Majalisar Dinkin Duniya don ceto demokradiyyar Nijeriya

*Majalisar za ta tuntubi kungiyoyi masu rajin kare demokradiyya don ceto demokradiyyar kasar

*Shugaban kasa ya magance matsalar rashin aikin yi da kuma talauci a kasar

*Duka majalisoshin biyu sun nuna goyon baya ga shugabancin Bukola Saraki da kuma Yakubu Dogara

*Kuma ba sa goyon shugabancin Sufeto Janar na 'yan sandan Nnjeriya Ibrahim Idris

*Majalisa za ta dauki mataki kamar yadda tsarin mulki ya ba ta dama, idan aka ki yin wani abu.

Wadansu na ganin barazanar daukar matakin da tsarin mulki ya ba su kamar yadda suka yi ikirari zai iya hada wa da yunkurin tsige Shugaba Buhari

A ranar Litinin 'yan sandan kasar suka gayyaci Shugaban Majalisar Dattawa Sanata Bukola Saraki domin amsa tambayoyi kan zargin daukar nauyin 'yan fashi da makami a mahaifarsa ta jihar Kwara.

Sai dai daga bisani Sanata Saraki ya ce sun shaida masa cewa sun janye gayyatar, kawai suna bukatar "ya amsa ne a rubuce".

Tsoffin 'yan sabuwar PDP sun fasa ganawa da OsinbajoAPC ta sha kaye a hannun PDP a zaben jihar Oyo

Rahotanni sun kuma ce an rage yawan jami'an tsaron farin kaya da ke bin tawagar Saraki da kuma Kakakin Majalisar Wakilai Yakubu Dogara, da kuma mataimakansu.

Wannan batu ne kuma ya sa kungiyar tsoffin 'yan sabuwar PDP, wacce Saraki da Kakakin Majalisar Wakilai Yakubu Dogara ke kan gaba a ciki, suka ce sun dakatar da tattaunawar da suke yi da gwamnatin kasar da kuma jam'iyyar APC.

Suna dai zargin cewa an mayar da su saniyar-ware ne tare da yi musu bi-ta-da-kulli, a gwamnatin da suka taimaka aka kafa.

A baya dai gwamnatin ta sha musanta wannan zargi.

" Dalilin Da Ya Sa Buhari Bai Rattaba Hannu Kan Kasafin Kudin Bana Ba"
___¥___
*
Ministan Kasafin kudi da tsare tsaren kasa, Sanata Udoma Udo Udoma ya bayyana cewa a halin yanzu Shugaba Muhammad na nazari kan daftarin kasafin kudin 2018 wanda majalisar tarayya ta mika masa.

Ministan ya ce, yin nazarin ya zama dole don zakulo wuraren da aka tafka Kurakurai da aringizo. Tun watan Nuwamba na shekarar 2017 ne, Buhari ya mikawa majalisar kasafin kudin wanda aka tsara kashe Naira Tiriliyqn 8.6.