Sunayen ‘yan ta’addan da ‘yan sanda ke zargin Bukola Saraki da daukan nauyin ayyukan su

A yau ne hukumar ‘yan sanda ta aike da takardar gayyata ga shugaban majalisar dattijai, Bukola Saraki, bayan wasu gungun ‘yan fashi da aka kama sun bayyana cewar Saraki na daga cikin mutanen da suke yiwa ayyukan ta’addanci.

Hukumar ta ‘yan sanda tace yanzu haka tana tsare da mutane 22 da take zargi da hannu cikin fashin bankunan garin Offa na ranar 5 ga watan Afrilu tare da kashe mutane kimanin mutumin 33.

Ga jerin sunayen mutanen da inda suka fito kamar yadda hukumar ‘yan sanda ta wallafa

Sugabannin gungun 'yan fashin shine:
1. Ayoade Akinnibosun,mai shekaru 37 – daga Oro, Irepodun LGA, Kwara State.

2. Ibukunle Ogunleye, shekaru 36 – daga Oro, Irepodun LGA, Kwara State. Ya kashe mutane 2

3. Adeola Abraham, shekaru 35 – daga Oro, Irepodun LGA, Kwara State. Ya kashe mutane 5

4. Salawudeen Azeez, shekaru 49 – daga Oro, Irepodun LGA, Kwara State. Ya kashe mutane 2

5. Niyi Ogundiran, shekaru 37 –daga Oro, Irepodun LGA, Kwara State.
Ya kashe mutane 2

6. Michael Adikwu,shekaru 30 – Ya kashe mutane 22, yawancin su 'yan sanda.

7. Kabiru Afolabi, shekaru 26

8. Omoseni Kassim, shekaru 28

9. Kayode Opadokun, shekaru 35

10. Kazeem Abdulrasheed, shekaru 36

11. Azeez Abdullahi, shekaru’ 27

12. Adewale Popoola, shekaru 22

13. Adetoyese Muftau, shekaru 23

14. Alexander Reuben, shekaru 39

15. Richard Buba Terry, shekaru 23

16. Peter Jasper Kuunfa, shekaru 23

17. Ikechukwu Ebuka Nnaji shekaru 29

18. Moses Godwin, shekaru 28

19. Adeola omiyale, shekaru 38, daga garin Isanlu Isin, Isin LGA, Kwara State.

20. Femi Idowu, shekaru 34

21. Alabi Olalekan, shekaru 49-mai taimakawa gwamnan jihar Kwara na musamman

22. Yusuf Abdulwahab, shekaru 58 –Shugaban ma'aikatan jihar Kwara.

Kishin-kishin: Shugaba Buhari ya amincewa sifeton 'yan sanda ya kama Saraki

A yau, Lahadi, shugaban majalisar dattijai, Bukola Saraki, ya bayyana cewar a shirye yake ya karrama gayyatar da hukumar da ‘yan sanda tayi masa da zarar takardar gayyatar ta same shi.

Kazalika, Saraki ya musanta cewar akwai wata alaka dake tsakanin sa da mutanen da ake zargi da aikata laifin fashin bankunan garin Offa na ranar 5 ga watan Afrilu.

A yau, Lahadi, ne hukumar ‘yan sanda ta bayyana cewar wasu daga cikin wadanda ta kama dangane da batun fashin bankunan garin Offa sun ambaci sunan Saraki da na gwamnan jihar Kwara, Abdulfatah Ahmed, a matsayin mutanen dake daukar nauyin aiyukan su na ta’addanci.

Wata majiya a fadar shugaban kasa ta bayyana cewar shugaba Buhari ya lamuncewa shugaban rundunar ‘yan sandan Najeriya , Ibrahim K. Idris, ya kama Saraki bayan gabatar masa da shaidar samun hannun Saraki a cikin aiyukan ta’addanci, kamar yadda jaridar Premium Times ta rawaito.

Zuwa yanzu Kakakin shugaban kasa da na hukumar ‘yan sanda sun ki cewa komai a kan wannan batu dama kuma batun ganawar shugaba Buhari da shugaban na ‘yan sanda ta ranar juma’a.

Da yake jawabi cikin sanarwar da mai Magana da yawun sa, Yusuph Olaniyonu, ya fitar, Saraki yace alakanta shi da fashi wani makirci ne kawai na bata masa suna.

An kuma: Wasu yan Bindiga sun sake kashe Mutane 23 tare da kona gidagensu a Zamfara

A jiya Juma'a ne dai wasu 'yan bindiga suka kashe Mutane har 23 a jihar Zamfara a kauyen Zanoka bayan da suka budewa mazauna kauyen wuta kan mai Uwa da wabi sannan kuma suka cinnawa Gidajen Mutane wuta suka kone kurmus.

Barayin dai sun zo ne kan Babura a matsayin daukar fansar korar da 'yan sintirin yankin su kayi musu inji shugaban karamar hukumar yankin da abin ya faru Mustapha

"Yanzu haka mun binne mutane 23 ciki har da 'yan sintiri da su kayi kokarin dakatar da su."

Mustapha Muhammad ya bayyana cewa 'yan Bindigar sun fara kai farmakin ne ranar Juma'a inda har suka kwacewa Mutane shanunsu sai dai jami'an sintiri na yankin sun fatattake su sannan suka kwato shanun, a dole suka tafi.

Amma sai dai 'yan awanni kadan bayan faruwar hakan sai Barayin suka sake dawowa da babbar runduna kauyen dake nisan Kilomita 160 daga babban birnin Gusau

Kakakin rundunar 'Yan sanda na jihar ta Zamfara Muhammad Shehu ya shaida cewa sun samu gawawwaki 15 bayan da 'yan Bindigar suka kai harin.

"Mafi yawan wadanda suka Mutun 'yan sintiri ne na yankin da su kayi kokarin dakatar da su."

Barayin sun sha kai hare-hare domin sace shanun Mutane tsawon shekaru da dama su kuma kashe duk wani wanda ya nuna tirjiya ga abinda suka aikata.

Wadannan har-hare da ake kai musu ya sanya 'yan Kauyen suka kafa kungiyoyin 'yan sintiri domin tabbatar da tsaro a yankin, amma sai dai su kansu 'yan sintirin ana zarginsu da cin zarafi da kashe wadanda suka kama bisa zargin su.

Yawaitar aiyukan tsagerun ma ya sanya Gwamnati ta kai rundunonin tsaro jihar domin tabbatar da dawo da doka da oda, amma sai dai har yanzu lamarin na dada kamari.

Yaran comedy: Ramadan Kareem Episode 1

WA insune suna zaune suna zancen azumi ana zaune sai ga wani mutumi yatawo yana tangadi yana zuwa daidai dasu saiya wadi sai suka tashi sukayo kansa wani yaje yadauko sanda wani yadauko ruwa a buta sai mai sanda yadaga zai bugamasa sai aka rikemasa hannu sukace Kai badan giyabane azumine sai aka yayya famai ruwa ana yayyafa Mai sai yafara nuna bakinsa azuba mai ruwa kasan mai yafaru go an watching TV 📺

Uwar gidan shugaban Najeriya Aisha Buhari ta yi buda baki tare da shugabannin mata a fadar shugaban kasa.
Aisha Buhari ta yi buda baki tare da shugabannin mata a fadar shugaban kasa a ranar Asabar
Buda bakin ya samu halartar mata daga kungiyoyin fararen hula da ‘yan jarida da kungiyoyin addinai da sauransu.
Daga cikin wadanda aka gayyata buda bakin har da BBC, kuma Raliya Zubairu da Fatima Othman ne suka wakilci BBC
A wajen buda bakin, Uwar gidan shugaban kasa Aisha Buhari da uwar gidan mataimakin shugaban kasa sun gabatar da jawabi

Tsakanin Gwamna Taraba Da Maman Taraba : Ina masu fada saboda yan siyasa? Yanzu mun hankalta?

Lokacin da maman Taraba Hajiya Jummai Alhassan ke neman kujerar gwamnan Taraba da ita da Gwamna mai ci Darius Ishaku abin ya tashi daga APC da PDP inda abin ya koma na addini.

Daga baya daya kayar da ta sai Buhari ya bata Minista.
Shi yana gwamna ita Minista duka suna samun kudade.

Bayan shekaru kadan sai tace Atiku ne mai gidan ta kuma ko ina zata iya bin shi ta kyale Buhari.

Yau gashi gwamnan Taraba da Maman Taraba suna rike da hannun juna.

Ina magoya bayan nasu daga yan APC da PDP, musulman da kiristocin?
Na tabbata da yawan su na nan babu aikin yi.

GUDUMMAWAR CIBIYAR JIN KAI NA SARKI SALMAN GA NIJERIYA

MANUFA
Dukkan musulmi yana sa ne da cewa addinin musulunci ya wajabta taimakon gajiyayyu da raunana da mabukata da wadanda ke cikin ibtila'i, da kiyaye alfarmar ran 'dan adam.

Domin sauke wannan nauyi, mahukunta da 'yan kasar Saudi Arabia suke da dabi'ar taimakawa bil adama a duk fadin duniya, ba tare da la'akari da addini ko jinsi ba. Dabi'ar taimako dabi'a ce da ta shahara da mutanen kasar Saudiyya (musamman a tsakanin mahajjata), sun ciri tuta wurin agaji da jin kai da taimako fiye da duk kasashen Larabawa da Musulmi da ma kasashe masu arzikin man fetur.

Saboda cimma manufar taimako, gwamnatin kasar Saudi Arabia ta kirkiro wannan cibiya maisuna "Cibiyar Bayar Da Tallafin Jin Kai Da Agaji Na Sarki Salman" a turance "King Salman Humanitarian Aid & Relief Centre, KSrelief", ta hanyar tsare-tsare da bayar da kayan agajin jin kai a duk inda ake da bukata a kasashen duniya, domin mutunta Bil' adam da rage asara da radadin talauci. Domin tabbatar da cimma wannan manufa, Sarki Salman Bn Abdul-Aziz ya zuba karin kudi Riyal Biliyan Daya (SR 1,000,000,000) a asusun gudanar da wannan cibiya, kari akan Riyal Biliyan Daya na musamman da ke cikin asusun cibiyar, domin taimakon jin kai ga mutanen Yemen.

An gina gudanar da ayyukan wannan cibiya ne domin cim ma taimakon bil adam.

TARIHI
An kaddamar da wannan cibiya ne a ranar 13/05/2015 a karkashin kulawa da shawarin Khadimul Haramaini Sharifain, Sarki Salman Bn Abdul-Aziz, mutumin da ke ta tarihin sanya hannu kai tsaye a cikin ayyukan jin kai da taimako tun a shekarun baya, musamman a lokacin da yake rike da matsayin Gwamnan Garin Makka. Wannan dabi'a ce ta ci gaba ta haifar da wannan cibiya.

A lokacin kaddamar da wannan cibiya mai babban ofishinta a babban birnin Riyadh, a karkashin gudanarwan babban jami'inta, Dr. Abdullah Bn Abdul-Aziz al-Rabi'a, wanda ya fara aiki da ma'aikata guda hamsin, zuwa yanzu (shekaru uku bayan kaddamarwa) wannan cibiya tana da ma'aikata a fadin duniya kusan mutane dari biyu.

NA GABA-GABA A DUNIYA
Kasar Saudi Arabia tana daga cikin na gaba-gaba a kasashen duniya da suka yi fice wurin bayar da tallafin jin kai da agaji, musamman ga yankuna da kasashen da ibtila'i ya afka musu (kamar: barkewan cuta, girgizan kasa, guguwa, yaki, wutar daji da makamantar su) da kasashen da suke cikin tsananin talauci.

Za a iya sanin haka idan aka yi waiwaye baya, aka yi la'akari da bukatar da Majalisan Dinkin Duniya (UN) ta gabatarwa membobinta daaa kasashen duniya na kudade kimanin Dalar Amurka dari biyu da saba'in da hudu (USD 274 million) domin asusunta na tallafin ayyukan taimako da jin kai. A bugun farko, gudumawar da kasar Saudi Arabia ta bayar na gaba dayan wannan kudi.

AYYUKA DA NASARORI
Daga kaddamar da ita zuwa yau, wannan cibiya ta gabatar da ayyukan taimakon bil adama da bayar da kayan jin kai a kasashen duniya guda talatin da takwas a mabambamtan nahiyoyi (Africa, Asia, Europe and South America). Wannan cibiya tana zartar da ayyukanta ne ta hanyoyi kamar haka:

i. Amfani da tsare-tsaren sa ido akan dukkan kayayyakin taimako da agaji.
ii. Amfani da tsare-tsaren kwararrun masana da abubuwan zirga-zirgan diban kayayyaki tare da hadin kai da mahukunta kasar da za a kai kayayyakin da cibiyoyin Majalisar Dinkin Duniya da kungiyoyi masu zaman kan su a cikin kasashen da za a kai kayan taimakon.

iii. Ana tsara shirye-shiryen (programs) taimako da agaji ne gwargwadon aunawa da tantancewa da dacewan wadanda za a mika musu taimako da tallafi a zababbun wurare da suke da bukata. Kadan daga cikin abubuwan tallafi da taimako da wannan cibiya ke bayarwa sun hada da:
1. Kudade
2. Katifu
3. Barguna
4. Kafa Tantuna
5. Kayayyakin abinci
6. Kayayyakin karatu
7. Gudanar da tantuna
8. Kayayyakin sadarwa
9. Gyara da gina makarantu da ajujuwa
10. Kayayyakin kiwon lafiya da magunguna

Babban dalilin nasara da wannan cibiya ke samu shi ne, hada kai da yin ayyuka tare da cibiyoyin jin kai da taimako na kasa da kasa (international) da na yankuna (regional) da na cikin gida (local) a lokuta da wuraren zartar da ayyukan tallafin jin kai da agaji. Dalilin bin wannan tsari muka samu cim ma kaiwa ga isar da taimako wa miliyoyin mutane a duk fadin duniya.

KASASHEN DA SUKA MORI TALLAFIN KSrelief
1. Afghanistan
2. Albania
3. Algeria
4. Bangladesh
5. Benin
6. Burkina Faso
7. Cameroon
8. Comores
9. Djibouti
10. Eritrea
11. Ethioia
12. Gambia
13. Ghana
14. Honduraa
15. Iraq
16. Jordan
17. Kazakhstan
18. Kyrgyzstan
19. Lebanon
20. Maldives
21. Mauritania
22. Myanmar (Burma)
23. Nicaragua
24. Niger
25. Nigeria
26. Pakistan
27. Palestine
28. Philippines
29. Senegal
30. Somalia
31. Sri Lanka
32. Sudab
33. Syria
34. Tajikistan
35. Tanzania
36. Yemen
37. Zambia
38. Zanzibar

TALLAFIN JIN KAI GA NAJERIYA
Najeriya tana daga cijin jerin kasashen da suka cancanci tallafin jin kai da ayyukan taimako, kasantuwar tana da 'yan gudun hijiran cikin gida (IDP) wadanda rikicin ta'addancin Boko Haram a yankin Arewa Maso Gabashin kasar ya raba su da muhallan su. A ranar 5th/3/2018 tawagar wannan cibiya ta ziyarci garin Maiduguri a yankin Arewa Maso Gabas, inda ta ziyarci sansanonin 'yan gudun hijira ta yi ganin idon ga halin da suke ci. 

A yayin wannan ziyara ne a ranar Litinin, 6th/3/2018 wannan cibiya da hadin gwiwa da Saudi Fund For Development a karkashin jagorancin Nasir Bin Mutlak Alsabi'i (Assistant Dirrector, Emergency Aid Development Of Saudi Arabia) da jami'an wannan cibiya kamar, Khalid Bin Abd Rahman Almani da Muhammad Bin Addida Alnamla, suka kawo kayan gudumawar kayyayakin agaji wa gwamnatin Najeriya na kimanin Naira biliyan uku da miliyan dari shida (N3.6billion), kimanin USD 10million. Gudumawar da ta kunshi kayayyakin da suka hada da: kayan abinci da abinci masu gina jiki da barguna da katifu da tantuna da magunguna da kayan fida (surgical kits) da kudaden ginawa/gyara makarantu da littafai da kayayyakin karatu.

A ranar 8th/3/2018 tawagar ta ziyarci Shugaban Kasar Najeriya, Muhammadu Buhari a Fadar Aso Rock Villa, inda ya yi jawabin godiya ga Khadimul Haramaini Sharifain bisa wannan gagarumin tallafi da jin kai ga 'yan gudun hijira a Najeriya irinsa mafi girma daga wata kasar wwje. Shi kuma jagoran tawagar, Nasir Mutlak ya yi godiyan tarban karimci da gwamnati ta yi musu, tare da ambaton kyakkyawan alakar da ke tsakanin kasashen Saudi Arabia da Najeriya da fatan ganin karshen fitinar ta'addancin Boko Haram.

Don karin bayani a duba: Daily Trust, March 6th, 2018

Marubuci: Muhammad A. Shu'aibu